தென்கச்சியாரை ஜெயிக்க முடியாது!

Thenkachi_Ko._Swaminathanமுந்தாநாள் பார்த்த வீடியோவில் பேராசிரியை பர்வீன் சுல்தானா சொன்னார் : தென்கச்சி சுவாமிநாதனை பேட்டி எடுத்த ஒருவன் , ‘இவரை யாராலும் ஜெயிக்க முடியாது’ என்றொரு குறிப்பு எழுதியிருக்கிறான். ‘அப்படியா, உங்களை ஜெயிக்கவே முடியாதா அய்யா? என்று பர்வீன் சுல்தானா கேட்டதற்கு, ‘அட, எப்பவுமே தோற்கத் தயாராக இருப்பவனை யாரால ஜெயிக்க முடியும் அம்மா?’ என்றாராம்!

இன்னொரு தமாஷூம் இருந்தது.

தென்கச்சியாரும் சுகி.சிவமும் கலந்துகொண்ட ஒரு விழாவில், ‘ எல்லாவற்றையும் விட்டுங்க, பெரிய விசயம்லாம் எதுவுமில்லே’ன்னு ஸாஃப்டா தென்கச்சியார் பேசுறாரு, எதையும் விடாதே.. அப்பதான் வெற்றி கிடைக்கும்னு நீங்க (சுகி.சிவம்) சொல்றீங்க. இப்ப யார் பேச்சை நான் கேக்குறது?’ என்று ஒரு பையன் கேட்டதற்கு தென்கச்சி சுவாமிநாதன் ஐயா எழுந்து பதில் சொன்னாராம்: ‘உன் இஷ்டம்தான். அமைதியா சந்தோஷமா இருக்கனும்னா என் பேச்சைக் கேளு; வாழ்க்கையில ஜெயிக்கனும்னா சுகி.சிவம் பேச்சைக் கேளு!’

இதிலிருந்து நான் தெரிந்துகொண்டதாக G+ல் எழுதினேன் : மண்டைகாயாம இருக்கனும்னா கிழ ப்ளஸ். பாயைப் பிறாண்டனும்னா ஃபேஸ்புக்🙂

சிவாஜி பாணியென்றாலும் பேரா. பர்வீன் சுல்தானாவின் சிறப்பான பேச்சை இங்கே கேட்கலாம் (30:41 to 32:40) :
https://www.youtube.com/watch?v=V9JDuqvqCB4

இங்கே இலவச தமிழ் ஆடியோ புத்தகங்கள் கிடைக்கும் (4.44 GB)

இலவசமென்றதும் என்ன வேகமாக ஓடி வருகிறீர்கள், என்னைப் போலவே! வாழ்க.  இப்போது நான் கேட்டுக்கொண்டிருக்கும் வாரியார் சுவாமிகளின் மஹாபாரத உரை முதல்,  தென்கச்சி சுவாமிநாதனின் ‘இன்று ஒரு தகவல்’, கண்ணதாசனின் ‘அர்த்தமுள்ள இந்துமதம்’, முனைவர் கு. ஞானசம்பந்தனின் ‘சிரிக்கலாம் வாங்க’, அறிஞர் அண்ணாவின் சுதந்திரம் (முஸ்லீம்கள் கவனிக்கவும் : இதில் இஸ்லாம் பற்றிய 80 கே.பி உரையும் அடங்கும்!), நடிகவேள் எம்.ஆர். ராதா, வைரமுத்து, திருச்சி கே.கல்யாணராமன், முக்கூர் ஸ்ரீ லக்ஷ்மி நரசிம்மாச்சார்யர், டி.ஏ.ஜோஸப், சுகி.சிவம் மற்றும் பலரின் ‘ரிலாக்ஸ் ப்ளீஸ்’ உரைகள் கீழ்க்கண்ட சுட்டியில் கிடைக்கின்றன. PDF சென்ஷி மாதிரி MP3 சென்ஷியாக விளங்கும் எமது நண்பர் எம்.டி. மூர்த்திக்கும் எழில்மிகு கடற்கொள்ளைக்காரனுக்கும் நன்றி.

இங்கே சொடுக்கி டோரண்ட் கோப்பை இறக்குங்கள். சுட்டி வேலை செய்யாவிடில் வேறு காதுகளை வாங்கிக் கொள்ளுங்கள் 🙂

« Older entries