சாஹூல்ஹமீதே நாகூரி…

இன்று நாகூர் கந்தூரி ஆரம்பம். எவ்வளவோ முயன்றும் போக இயலவில்லை. இந்த ஏழை மேல் என்ன கோபம் எஜமானுக்கு என்றுதான் தெரியவில்லை. எனக்குப் பிடித்த புலவர் ஆபிதீன்காக்காவின் பாட்டைப் பகிர்கிறேன். (பாடியவர் : – மர்ஹூம் ஈ.எம் ஹனீபா).  தமிழ் முஸ்லீம்களுக்கு என் சின்னமாமா நிஜாம் (‘கடை‘ குறுநாவலில் – லத்தீஃப் மாமாவாக – வருபவர்) ரிகார்டிங் செய்து கொடுத்த பொக்கிஷங்களில் இதுவும் ஒன்று. அனுப்பிவைத்த அசனாமரைக்காயருக்கு நன்றி.
*

*

சலுகை ஏன் காட்டவில்லை?

ஈடேதும் இல்லா எங்கள் க்வாஜா வலியே…

‘ஈயம்’ ஹனீபா அண்ணன் பாடிய இந்த பழைய பாடலை தம்பி இஸ்மாயிலின் முகநூலில் கண்டேன்.  இதை  மிஞ்சும் இன்னொரு ஹனீபா (இவரை  பித்தளை ஹனீபா என்பார்கள் நாகூர்வாசிகள். இயற்பெயர் : ஹெச்.எம். ஹனீபா) பாடலை  – இதுவும் அஜ்மீர் ஹாஜா பற்றியதுதான் – விரைவில் பதிவிடுவேன், தப்லா ரசிகர்களுக்காக. நேற்று  இங்கே விமர்சையாக நடந்த வாஞ்சூர் கந்தூரி சமயத்தில் அதை போட்டிருக்கலாம்தான். நானும் அசனாமரைக்காரும் ‘ஜியாரத்’திற்கு போய் ஆளுக்கு ஐம்பது பறாட்டா உருண்டைகளும் இருபது வாடாக்களும் தின்ற மதமதப்பில் மறந்து விட்டது!

***

***

Thanks to : commentclips & Ismail

***

தொடர்புடைய பாடல் :

அஜ்மீரில் வாழும் ரோஜா!  – நாகூர் தர்ஹா சங்கீத வித்வான் எஸ்.எம்.ஏ. காதர் அவர்கள்

« Older entries