‘என்’ணங்கள் – இப்னு ஹம்துன்

பரங்கிப்பேட்டை சகோதரர் பஃக்ருத்தீனின் (இப்னு ஹம்துன்) எண்ணங்களை  பதிவிடுகிறேன். அவருடைய ‘என்’ணங்களை தொடர்ந்து எதிர்பார்க்கிறேன்.

***

இப்னு ஹம்துன் :

நாளிது  வரையில், உலகில் நிகழ்வுற்ற மகத்தான இயற்கைப் பேரழிவு என்று எதனைச் சொல்வது?  தனது வலைப்பதிவில் பா.ரா எழுதியிருக்கும் நீரில் மிதக்கும் தேசம்   என்கிற கட்டுரையில் இதற்கு விடை இருக்கிறது. ஆம்,பாகிஸ்தான் கண்டுவரும்  அண்மைய வெள்ளம் தான் அது.  மழையென்றால் பேய் மழை. வெள்ளமென்றால் பிசாசு வெள்ளம். இங்கே அங்கே என்றல்ல. தேசமே நாசமாகிப் போன பெரும் அழிவு. கிட்டத்தட்ட ஒரு கோடியே பதினேழு லட்சம் பேர் பாதிக்கப்பட்டிருக்கிறார்கள் என்பதை மாத்திரம் இந்த இடத்திலே சொல்லிவைக்கலாம்.
 
 உலக சரித்திரம் அல்லது பூகோளம் இதற்குமுன் காணாத மகத்தான இயற்கைப் பேரழிவு என்பது சமீபத்தில் பாகிஸ்தானில் நிகழ்ந்ததுதான் என்று அவர் எழுதியிருக்கிறார். இந்தியாவில் இச்செய்தி பெரிதும் ஊடகப்படுத்தப்படவோ, அதனால் பெரிய அளவில் மக்களிடம் சலனங்களோ இல்லை. ஜனங்களின் மனங்களுக்கிடைப்பட்ட; மற்றுமுள்ள பெளதீக தொலைவுகளும், சுயநல சூழலும் இதற்குக் காரணமெனினும், பாழாய்ப் போன அரசியலே பிரதானம். இந்தியாவின் நிதி உதவியைக்கூட ஐ.நா வழியாகக் கொடுத்தால் தான் பெற்றுக்கொள்வேன் என்று பாகிஸ்தான் முரண்டு பிடிக்கிற அளவுக்கு அரசியல்.

முதல் நாகரிகமாக அறியப்பட்ட சிந்து சமவெளியின் மொஹஞ்சதாரோ இந்த மழையில் முற்றிலுமாக தன் தடயங்களை இழந்துவிட்டிருக்கிறதாம். அதைவிட, எதிரியின் துக்கத்தில் குரூர மகிழ்ச்சியடையும் நம்மவர்கள் சிலரின் நாகரிகத்தை; அற்ப, வக்கிர மனநிலையை, தேசப்பற்றின் பெயரால் ‘கமெண்ட்’களில் கண்ணுற்றதாக பா.ரா ஆதங்கப்பட்டிருக்கிறார். இத்தனை நாட்டுப்பற்று மிக்கோரின் நாட்டுப்பற்று சொந்த நாட்டின் பொது(காமன்) மக்களின் சொத்து(வெல்த்)களைச் சூறையாடுவோர் மீது எந்த எதிர்வினையும் புரியாதிருப்பது ஏன் என்பதுதான் புரியவில்லை.
பாரா.வின் பதிவு பாராட்டப்படவேண்டிய பதிவு.

***

மனிதக் கறி கிடைக்கும் என்று இணையதள விளம்பரம் கொடுத்துள்ள உணவகம் பற்றி இந்தச் செய்தி தெரிவிக்கிறது. என்ன ஒரு கொடுமை!  ஜெர்மனியில் உள்ள உணவகம் மனித உடல்பாகங்களை விநியோகிக்க ஆள்கள் வேண்டும் என்றும் அந்த விளம்பரத்தில் கேட்கிறதாம். அரசாங்கம் ஏதும் நடவடிக்கை எடுக்குமா? தெரியவில்லை. மனிதமே உன் விலை என்ன?

 ***

எல்லாவற்றையும் விட பெரிய அதிர்ச்சி அளித்த செய்தி,சவூதியில் இலங்கை பணிப்பெண் ஒருவருக்கு நேர்ந்த வங்கொடுமை. நினைக்கும்போதே கண்ணில் நீர் முட்டுகிறது. 24 ஆணிகள் உடலில் அடிக்கப்பட்ட நிலையில் ஊர் திரும்பியுள்ள அந்தப் பெண்ணுக்கு உரிய நீதி கிடைக்குமா? மனிதர்கள் என்ற பெயரில் இப்படியும் அரக்கர்களா? ஒரு சிறு அன்னியப் பொருள் உடலுள் புகுந்துவிட்டாலே, நாம் எப்படி துன்பமடைகிறோம், இத்தனை ஆணிகளைத் தன்னுடலில் தைக்கப்பட்ட அந்தப் பெண் எப்படியெல்லாம் துன்புற்றிருப்பார்? விமானமேற்றத்தின் போது குடிபுகல்/வெளியேறல் துறை அதிகாரிகள் எப்படி அறிந்துகொள்ளாமல் விட்டார்கள்? துன்புறுத்திய அந்த முதலாளியும் அவனுடைய மனைவியும் கைது செய்யப்பட்டிருப்பதாக அண்மைத் தகவல்கள் தெரிவிக்கின்றன.
அந்தப் பெண்ணுக்கு உரிய நீதி கிடைக்க வேண்டும்.

***

நன்றி :

H.FAKHRUDEEN
பஃக்ருத்தீன் (இப்னு ஹம்துன்)
www.ezuthovian.blogspot.com
www.mypno.com

E-Mail : fakhrudeen.h@gmail.com

2 பின்னூட்டங்கள்

  1. 02/09/2010 இல் 16:24

    அதிர்ச்சியூட்டும் உண்மைகள். மனிதர்களிடம் மட்டும் தான் நீ மனிதனாக நடந்து கொள் என்பார்கள். மூன்று அதிர்ச்சி தரும் செய்திகளும் எழுப்பும் கேள்வி ஒன்றே ஒன்று தான் மனிதர்களே நீங்கள் ஏன் மனிதர்களாக நடந்து கொள்வதில்லை என்பது தான் அது.

  2. மஜீத் said,

    05/09/2010 இல் 15:39

    http://gulfnews.com/opinions/editorials/treat-domestic-hands-humanely-1.677188
    Opinions | Editorials
    Treat domestic hands humanely
    Whatever their social or economic status, the maids deserve respect like other workers
    • Gulf News
    • Published: 00:00 September 4, 2010

    A recent news report out of Colombo highlighted the case of a Sri Lankan domestic worker, who had 27 nails removed from her body by doctors.
    The report claimed that the nails were inserted by a Saudi Arabian family where the maid worked.
    Saudi authorities are vehemently denying that the incident of abuse ever occurred. Whether the incident be true or not, the tale raises the issue of proper treatment of domestic workers.
    Domestic workers, like any others who labour for money, deserves proper treatment at all times. While not of the same economic status nor social background, domestic helpers need to be treated with respect. It is necessary for all who hire domestic help to ensure that living conditions are reasonable, pay suitable and the treatment respectful. Domestic helpers toil for the same reason as anyone else — for a better life for all.


மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s