இன்னும் ஒரு தடவை – ‘மரபின்மைந்தன்’

‘நமது நம்பிக்கை’ ஆகஸ்ட் 2008 இதழிலிருந்து…இதழை அனுப்பிய ‘அப்துல் ஹமீது கல்வி அறக்கட்டளை (சீர்காழி)’ நிறுவனர் ஜனாப். அப்துல் மாலிக் B.E அவர்களுக்கும் இதழாசிரியர் , கவிஞர் மரபின்மைந்தன் ம. முத்தையாவுக்கும் நன்றிகள். களைத்துத் தூங்கும் மனைவியை எழுப்பி இந்தக் கவிதை பாடிடவேண்டாம் என்று வலைப்பதிவர்களைத் தாழ்மையாகக் கேட்டுக்கொள்கிறேன்! ‘உங்களுடன் இருப்பவர்களை நம்புகிறீர்களா?’ என்னும் முத்தையாவின் முத்தான கட்டுரையை விரைவில் பதிகிறேன். நன்றி!

***

இன்னும் ஒரு தடவை
மரபின்மைந்தன் ம. முத்தையா

 முன்னே ஒரு தடவை – உங்கள்
முயற்சிகள் தோற்றிருந்தால்
இன்னும் ஒரு தடவை – உங்கள்
இயக்கம் தொடர்ந்திடட்டும்
என்றோ விழுந்தவிதை – அதை
எண்ணிக் கிடந்திருந்தால்
இன்னொரு தாவரமாய் – அது
எப்படி எழுந்திருக்கும்?

முன்னே ஒரு தடவை – உங்கள்
மனம் கொஞ்சம் சோர்ந்திருந்தால்
இன்னும் ஒரு தடவை – உங்கள்
இதயம் மலர்ந்திடட்டும்
என்றோ மறைந்த கதிர் – அதை
எண்ணிக் கிடந்திருந்தால்
இன்றைய கிழக்கினிலே – அது
எப்படி உதித்திருக்கும்?

முன்னே ஒரு தடவை – சிலர்
மூர்க்கம் புரிந்திருந்தால்
இன்னும் ஒரு தடவை – உங்கள்
இதயம் மறந்திடட்டும்!
என்றோ உழுத வலி – நிலம்
எண்ணிக் கிடந்திருந்தால்
இன்று விளைந்தவற்றை – அது
எப்படி வளர்ந்திருக்கும்?

முன்னே ஒரு தடவை – உங்கள்
முனைப்பு குறைந்திருந்தால்
இன்னும் ஒரு தடவை – உங்கள்
எண்ணம் குவிந்திடட்டும்!
என்றோ கலைந்ததெல்லாம் – முகில்
எண்ணிக் கிடந்திருந்தால்
இன்று மழைத்துளிகள் – மண்ணை
எப்படி முத்தமிடும்?

***

நன்றி : மரபின்மைந்தன் ம. முத்தையா (ஆசிரியர் : ‘நமது நம்பிக்கை‘)

***

‘நமது நம்பிக்கை’ முகவரி:

நமது நம்பிக்கை
92c, முதல் தளம், B.K. ரங்கநாதன் வீதி
புது சித்தாபுதூர், கோவை – 641 044
தொலைபேசி : 0422 – 4379502
மின்னஞ்சல் : namadhu_nambikkai@yahoo.co.in

1 பின்னூட்டம்

  1. NARORE-MAIDEEN said,

    17/10/2011 இல் 16:43

    i want to put this in tamil. but i do not know how to type in tamil fonts.

    Everything is okay about self confidence. but only confusion for mine is what to focus. where i will get the answer ?


மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: